عجووووزة

عجوزة جداوية
جات لواحد من العيال نكبت عقله لمدة 23دقيقة عشان حجز جده رياض جده لاربعة ركاب
طبعا المسكينه جالسة على المكالمة 1 ونص وانا متأكد انه المسكينه اتلطعت بس مو اكثر من نص ساعة
الراكبة: الحمد لله عساها ولدت
تقولوا كمبروتر مدري اش شكلوو وتقنية وتقدم عساكم العمى ادا دا تقدم هذا تاخر دا ليش انا اترزع ساعة ونص عالخط عساني حكلم بوش ها فين الموظفين ليش مايردوا
الموظف:والله يا امي ضغط عالمكالمات
الراكبة:بلا ضغط بلا كلام فاضي هذي قلة حياء وبعدين الشباب مرميين في الشوارع اهوه ليش ما تخلوهم يردوا عالخط مدام ضغط ولا فالحين تخسرونا فواتير
(وهنا المكالمة انقلبت 180 درجة ولا كانها نفس الحرمة اللي كانت تسب قلبت رااااايقة فلحظة)
يا ولدي يا محمد شوفلي رحلة من جده للرياض الله يحفظك
الموظف: متى يا امي ان شاء الله
الراكبة: هوه على كم النفر
الموظف:الذهاب ب280
الراكبة: افف طب دهاب وعودة
الموظف:560
الراكبة: وي مافي دسكاونت
طب انا ابغالي نفرين كم تطلع
الموظف:1120
الراكبة:يا ولدي انا زي امك بالله راعيني الله يستر عليك
الموظف: والله يا امي هذا سعر ثابت احنا ما نتحكم فيه
الراكبة:طب اقلك انا معايا اولاد بنتي صغار ما لهم تداكر صح؟
الموظف:اللي من سنتين ل12سنة نص السعر واللي اقل من سنتين ماينحسبلهم مقعد بس تدفعولهم 10% من التدكره
الراكبة:انا عندي ولد عمره 5سنوات والتاني 2ونص بس تشوفوا تقول سنه لا تحسبله مقعد بالله
الموظف:والله يا امي اذا سنتين ويوم لازم مقعد
الراكبة:يا ولدي مشيها انتا بس وهيه تتسهل
الموظف:لا يا امي الله يعطيك العافية هذا مو من عندنا هذا قانون من الطيران الفدرالي
الراكبة:طيب الله يحفظك ولو انه انتا مرررره ما اتجملت معايا اليوم سويلي الروحة عالربوع دا شوفلي رحلة عالظهر العصر
الموظف:ابشري يا امي....... العودة متى
الراكبة: يومين تلاتة والله مني دارية اقدر اسويها بعدين
الموظف:ايوة في اي وقت
الراكبة:لا يا حبيبي مو انا اللي حستنا ساعة زمان مرة تانية
سويلي عالسبت وامري لله
اقلك.... امس وديت الاولاد الملاهي وكسبوا كتكوتين هدية يقدروا يطلعوهم معاهم ولا لهم تداكر كمان
الموظف:لا يا امي يطلعوهم معاهم عادي ما عندك مشكلة ان شاء الله

واعطاها الموظف البيانات وانتهت المكالمة بدون اصابات تذكر ولله الحمد